கடலால் தழுவி தரையால் அணைக்கும் என் மயிலிட்டி

என்னவென்று சொல்ல எல்லோரையும் அரவணைக்கும்
நமது மயிலிட்டியின் பெருமையை!

பூட்டியிருந்த மயிலிட்டியில் மறைந்து மறைத்து 
கப்பலில் சீமெந்து வியாபாரம் செய்தவர்கள்
சுயலாபம் தேடியோ, ஆற்றாமையாலோ தனியே
கடலில் தத்தளிக்க விட்டுத் தலைமறைவாகி விட்டனர்.

---

​தாய் நிலம் தனித்திருந்தபோது தனித்தே
தொழில் புரிந்து இலாபம் பார்த்தவர்கள்
பாராமுகத்துடன் மறைந்துபோன மாயமென்ன - அவர்கள் போனாலென்ன
நானிருக்கின்றேன் உனக்கு என்றழைக்குதோ என் அன்னைபூமி

நங்கூரம் அறுத்து தாயைத்தேடும் குழந்தைபோல
அலைகள் சூழ அணைத்துவர அன்னை மடியை முத்தமிடுகின்றது​
வந்தாரை வாழவைக்கும் எங்கள் மயிலிட்டி
நொந்துபோயிருந்தால் பார்த்துக்கொண்டா இருக்கும் என் தாய் மயிலிட்டி

- கு. அருண்குமார்